原來「抄單車」撼頭真的會死人，感謝神，我現在總算平安無事，不過我始終不知道自己是撞到燈柱、牆壁、欄杆或是其他物件。雖然是”見過鬼”，但我想自己下次踩單車也不會戴上頭盔。因為在我的觀念中，會戴頭盔踏單車的只有2類人: 1. 專業的單車選手，即黃金寶 2. 剛學踩單車的小朋友。不屬於這2類而又戴頭盔的，唔好意思，我不知該怎樣形容他們……你說我有偏見都好，我就是不會戴頭盔﹗最多只會在下斜路前下車推車仔。

戴頭盔可減創傷 (明報) 07月 31日 星期二 05:05AM

今日是最後的一課《成長班》，雖然我組只有兩個同學，是有史以來的新低點，但我也感到很高興，因為她們可以畢業。真希望他們會繼續在教會成長，參加團契。成長課完結了，但又有新團契的成立，第一次成為團契導師，心情又點戰競，這個新開始會是一個新挑戰。我要多多為此禱告，永主賜愛心和智慧。

今晚的心情很不爽。

放工前，老細又說了一些令人討厭的說話，以往我都不放在心上，但今次我真的忍受不了，我想同事也看得出來，最後我也沒有心情繼續工作，只留下同事E獨力應付老細，辛苦你了﹗今晚得出了一個結論：老細不可以太”悠”，不然她會有太多時間理會一些雞毛蒜皮的小事，我們便不會有好日子過……

回到家，又與他出現「通訊問題」，我氣得叫他把電話扔掉。這個問題已出現了N次，究竟何時可以解決﹖

頭又隱隱作痛。我想，我要冷靜一下。

今日有個朋友好”囂”咁話自己開左個blog, 仲話佢個blog唔似我個咁，會update得好密，為左唔俾佢”看扁”，於是我今晚決定唔執輸地又要”嗱嗱聲”寫一寫。

呢個月我發現自己的身體出現問題，其實有少少擔心。於老細嘅”橫手”下，我可以早d睇到個專科醫生。睇佢可謂一波三折。雖然我請了半日假，但其實上午都不停在家覆email, 同客傾電話，跟同事msn，都無停過。好彩都可以準時出門口，一點鐘到診所，千辛萬苦搵到醫生個office,點知原來佢今日不在，而係尖沙咀睇症﹗﹗於是，只好再約三點去到。一去到以為好快可以睇，又要等成差不多半個鐘，我個同事已經不斷call我，問我幾點返。唉，我都想快d，但唔到我控制。終於輪到我，一心以為只係做檢查，但醫生話即時幫我處理。知道唔係咩大毛病，其實都好安心，但在毫無心理準備下，醫生就要來。雖然我都知只係小事，亦無理由再約過，但係始終有d驚。好衰唔衰個醫生梗係俾我故作鎮定嘅模樣欺騙，佢落唔夠麻醉劑，令我經歷十級痛楚，忍不住喊「好痛……」，之後仲要失控地嚎啕大哭……我記憶中，上一次痛到喊係大學一年級住hall時，不小心在pantry”跣”低，嘩一聲喊出來，但上次一定不及今次，因為我喊到收唔到聲，醫生都俾我嚇親，不斷安慰我，又幫我打多d麻醉劑。到出門口時，仲有淚水盈住雙眼。出面其他等睇病嘅人唔知，見我雙眼又紅又腫，分分鐘以為我患絕症而喊到咁，諗落都幾好笑。

步出診所，雖然傷口有d痛，但我仲要做個勤力嘅員工，若無其事返工去也。個日我仲要成凌晨2點先收工，第二朝九點幾又返工……我之後同阿媽、朋友講番，佢地都話我做咩唔請假，話我crazy……我唔知自己係咪顛左，但我只係覺得又唔係咩大事，返工都無問題，而且第二日要pitching, 個ppt都未攪掂，無理由唔理啫，所以邊有問題呢。雖然我個晚個傷口仲隱隱作痛，瞓得唔係咁好……